陣痛

最近因為返學的關係, 到了金鐘, 在午膳時間去了 Great 行一轉, 記得以前去親金鐘, 也愛逛 Great, 因為有好多新奇的貨品 (外國進口的, 不是普通超市有售的) 可以讓我大開眼界, 令人開心!

當我邊行邊睇貨品之時, 想起上一次來逛 Great, 正正係當天 (10月1號) 睇煙花果日, 當日你帶著我在超市逛, 同時間卻不停的 "傾電話", 軟聲細氣的問對方:「喝什麼? 我幫你買。」

其實你可知道你幾耐無再對我o甘溫柔體貼了 (甚至之前在火車上也和我有爭拗嗎)? 那人真係o甘重要, 令你著迷嗎? 又再回想起晚飯在餐桌上, 你一支箭的跑到廚房, 著緊的為 "她" 取飲品的一幕。

心內為著昔日的片段再痛起來, 急急的離開 Great, 不敢再逗留了, 真可笑, 對嗎?

也許 Great 就似 "愛情" 一樣, 令人想起了傷痛, 不敢再踏足!