泡菜

仲記得今個星期四同你食 lunch, 同你有以下對話：

我話：「呀....我整果 d 泡菜唔錯喎, 好多人食過都讚好, 尤其係開頭 "抗拒" 的媽媽, 到最後接受了不特止, 還叫我得閒再整多 d 添。」
你問：「若果日後你再整, 可以預一些給我嗎?」
我：「好的, 日後如果再整, 預小小給你啦!」

今日晚上在家整了泡菜, 由於明早要學車, 下午有事做, 因此我大約 9:45 call 了你一次, 電話接通了但卻無人聽, 仲好耐都無收線添, 而我 feel得到你在揸緊車, 因此不想騷擾你。

我 SMS 你：「今晚整了泡菜, 明早 9-11 學車, 下午有事做, 可約你 7:30-7:45 在昌運麥當勞等? 我想比一盒泡菜你, 可放雪櫃三星期的。」 (當我按鍵傳送時, 竟然收到你的來電, 我按了 "接聽 " 掣)
我 「喂」了幾聲, 無人講野, 卻從電話傳來你來背後的聲音：「咦.........你打返自己個電話啦, 你攪我電話做 mug 啫?」
之後依稀聽到一個人悶哼了一句, 便掛線了。
不久我的電話傳來了你的 SMS：「唔要」

這個 「唔要」切切實實的和你星期四講的不一樣, 如果你係因為時間唔方便取泡菜, 你會和我另約時間的。我知道這個 「唔要」也許不是你傳給我的, 我也預計得到我的 SMS 也有機會傳不到你手上, 因為你的電話在別人的操控中。

你知道嗎? 我的心在 "淌血" 的滋味係幾O甘痛 (E 把刀卻係你親手插在我心的), 原來我一直唔肯去面對、承認的事就在我眼前, 而你也曾多次話我倆之間的問題 "不是" 第三者的出現。加上你這星期才告訴我在維景和爸爸傾計, 在你對我收線前, 你也曾說：「可否o係返埋一齊?」

但原來.............這一切也是假的, 也是你在我面前 "演出來" 的, 我恨的不是第三者, 恨的....是你騙我!! 我真是那麼蠢麼? 還是騙我會令你興奮、是一個好玩的玩意呢? 我告訴你：「由始至終, 根本完全是你贏了, 你不用不甘心, 不要再玩下去 (我並不是o甘好玩的)」

當初我天真的以為 "分開仍可是朋友", 但今天我不想了, 因為喜歡 / 束意騙我的人根本不是朋友, 我真的懷疑自己的眼光, 更加唔知道 "信唔信你好"了。

如果懷疑一個人的每一句說話 (動機), 我根本不可能和佢成為朋友, 佢只會是十分表面寒暄兩句的人, 我也不想在此人身上花太多的時間、心機 (唔值得)!

算吧!! 多謝今晚的你終於令我夢醒了, 我只想快快攪掂太湖的業權 和 自己在太湖的私人物件, 便各自不拖不欠了。