每對戀人拍拖, 大部份也渴望 "同諧共老" 的, 只係我既渴望嫁, 但亦害怕結婚。 因為我怕他唔珍惜我, 我怕愛只係一瞬間的事, 我怕揀錯了人, 最終會離婚, 最重要係.........我唔肯定 "佢" 係唔係我的 Mr Right, 點解呢??
因為 "結婚" 係佢家人的三催四請的 (我唔知佢係唔係由心去做的??), 其他情人總係男的一方主動求婚 (覺得想一世和女方共處, 並承諾會照顧佢), 而我..........就好似要多番暗示 (要求別人求婚娶我般, 好委屈!!! 難道我不值得別人待我好嗎? 我對求婚有憧憬是錯嗎?)
一次又一次的錯過婚紗展 (佢說唔得閒, 即使係陪我出席, 也面露煩厭的避開取資料), 回到家中看資料, 也不是有商有量的一齊討論, 只掉下我一人去揀選, 問佢好唔好? 總係支支吾吾的, 無可無不可的態度 (更加似我在迫婚, 滿肚氣, 又委屈), 最後佢說：睇左場地又點啫, 無錢呀!!!
撇開婚宴場地的問題 (既然解決不了, 便唔理住, 免嗌交), 那影了婚紗相先啦, 難得佢公司同事試過, 又熱心幫我地預約。好........彼此請假上大陸影 (其實我唔介意在大陸影, 也唔介 AA 的互相投入), 介意的是............好似只得我一人興奮, 而佢卻在影相前一日 "好早" 的回家睡 (是情已變了麼? 佢知道我會擔心、傷心麼? 還要影下去麼? 還是和佢嘈一場大鑊的便告吹一切?), 在拍攝的過程中, 別人一雙一對甜甜蜜蜜的, 男的會幫女的挽裙又或扶住佢, 而我..................卻只獨力的挽裙, 甚至下車時撞親了頭。
漸漸的, 我發覺 "獨力難支" 了, 我好累呀!! 究竟我仲要呃自己到幾時 (我唔知原因 / 亦唔想知, 我只知你對我變了, 變得可怕陌生, 已經唔知點解還要一齊, 為了什麼?? 承諾、責任, 還是習慣???)
「埋門一腳」的婚嫁落得此下場, 怪只怪........"我自己"!!!!!!!! 如果我肯容忍你不回家, 如果我可以接受不愛自己的丈夫, 如果我肯付出一切而不需別人顧及我感受 (長期透支), 那我便可如期成為新娘了, 偏偏 "硬頸的我" 唔肯降低要求, 唔肯再委屈、將就, 那...............便自己一人吧!!!
而家你問我, 我唔敢亦唔想再對婚嫁有憧憬, 就連對感情和拍拖也覺得迷失、害怕了。
嫁妝 (主唱：陳慧琳)
珍珠色婚紗 香檳色襟花 還好嗎
你兩個說過 想跟我出嫁 還想嗎
我卻太抱歉 結果有變化 新計劃嗎 隨緣吧
本應想跟他 組織新的家 如今怕．．．
永遠擱置了 真的有點化 停一下
愛侶愛錯了 嫁妝買錯嗎 只愛自己 未算差
＠一早揀好的嫁妝 始終都未有希望
手牽手跟他看看 一生都為了失戀 那樣忙
如童話般的婚禮 那風光 猶如在眼前 從來走不進的 教堂
可不可穿起嫁妝 大路上任我闖盪
好東西他不愛看 就學習自我欣賞 繼續忙
仍能比新娘好看 化起妝無人望見 仍然能閃閃發光 再盛放 ＊再盛放
溫室的小花 失戀的專家 成長嗎
過去你信你 終於也會嫁 還敢嗎
你愛戴鑽戒 要他愛戴嗎 依靠自己 別靠他
Repeat＠
若然是後悔因他那樣狂
還何必等他一吻 去叨光
原本自愛 隨時能比他眼光
更耐看 更耐看 比戀愛 更耐看
沒有留言:
張貼留言