記得以往我地去完 "超市拍拖" 後, 總會乘車歸家 (因為手中滿載而歸, 太重了), 有時候你會和我一齊坐 71B 先送我回家, 再自行外出乘 75X 返自己的家。
有時候因為太夜了, 明天又要返工 (你更要早起上大陸呢), 我地會各自歸家, 就在 "大埔中心" 的巴士站分手, 記得有時 75X 先到站, 你不忍心我自己一人在等車, 總會 "有車也唔上", 陪著我排隊一齊等, 直到我上車, 大家依依不捨的分開, 而且做著 "手勢" 說打電話再傾, 又暗裏的 "作勢咀咀" 的表情, 巴士才開走。
今日當我再在 71B 排隊等車的時候, 望見別的男女在等車痴纏時, 想起昔日的你我, 曾經我地係如此的熱情, 無奈熱情卻經不起時間的洗禮, 落得一敗塗地的收埸。 今日你父母的家已經不再是乘 75X 可到達了, 是否意味著 「有的事情, 在時間變遷的同時, 人的態度亦會變, 有的昔日的行為已經變得不再需要和沒有意義了」?
沒有留言:
張貼留言