骨精和湯怪

你和我有一些共通點, 例如：大家也喜歡揼骨和飲湯, 而且也嗜辣呢!

記得有時候在家中一齊睇影碟, 你總愛替我按摩揼骨, 又說我腿的微絲血管爆裂了, 擔心我會靜脈曲張, 要多加按摩才可預防, 替我去除一周的勞累, 甚至我會不知不覺間的睡著了也不知。 我很蠱惑亦好懶惰, 通常幫你按摩一陣子, 便撒驕的喊：「好累啊! 你好大隻 (肌肉硬), 我唔夠力了!」, 你總會不捨得兼心痛著說：「唔緊要, 不用替我按摩了, 你沒大礙嗎? 有無整親手指?」 這樣我就被豁免了, 只係放任的享受著你對我的溫柔呵護。

我好鍾意飲湯 (鍾意中式湯多 d), 雖然我並唔係煲湯高手, 但也算是合格啦! 記得有一次因為太期待你週末回來, 早一日在家煲湯等待你, 讓你嘗一嘗我的愛心湯滋味 (我還記得 "冬菇蠔豉花生煲雞腳"), 點知.................卻因為晚上唔記得放入雪櫃內而 "變酸了"!! 心機白白浪費了, 我好唔開心呢! 你卻在旁哭笑不得的安慰著我, 說收到我的心意了。

後來你的工作忙起來, 好多時好夜返家, 我煲好湯比你滋潤一下, 誰知.............你唔係嫌它淡, 就係說好累, 唔飲了, 結果等到它變酸了。 (你再也不會欣賞我為你所作的事, 只會嫌這做得不夠, 那做得不好, 也許你真的 "當" 了我係你的家人, 一切也變得理所當然 (老馮) 了)