成熟了

年少時, 總以為男女拍拖, 如無第三者, 嚷著分手的一方總是壞的。此時, 我是壞人!!

記得有人講過 "一段看不到前景的愛情, 恰如一份沒前途的工作, 不如趁早離場罷了!" (因為無論你再投放任何資源下去, 也不會有結果, 對方總係看不見, 不知道的)

當時我曾經向你講過別人的名言, 你對我說：「那你你轉工吧!」(點解??? 我之所以覺得唔開心, 見唔到前景, 係因為你無理過我的感受, 只照顧自己, 我只想要少許時間共聚吧, 難道這也有錯嗎? 點解你唔願意去作出一些改變, 令我地之間有轉機? 係你自私 抑或 係我唔值得你o甘做??) 我知道如果你的心不在我處, 我問點解亦無用, 可能只係迫你作一個答案去敷衍我。

也許 "感情" 係無得解釋的, 以前鍾意, 而家唔鍾意也可以, 錯的不在你, 而係我 "唔習慣" o甘飄忽的你吧!

選擇離場, 係為了退一步海闊天空, 令自己抽離 "唔開心" 及 "恨你" 的狀況。 我承認我有怨過你, 有為我地感情的胎死腹中而默哀。而我卻沒有恨你, 我也在遠處的關心著你、祝福你。 我相信世界上做唔成情人, 也可做朋友的大有人在, 只要雙方成熟, 我信是可以的。

其實和你一齊的 5 年內, 我地並不是 "白白的愛過一場", 我地亦有得著、有回憶, 希望我可以在回憶裏留下你我開心的片段, 期望你也會記得 "開心的我" (雖然遙遠)。 多謝你讓我上了珍貴的一課, 令我成長了不少。