揾節目

以前身在大陸的你, 會預早約好我一齊睇戲、聽音樂會 (風琴)、外出閒逛、打高爾夫球、放車、約朋友晚飯等等。當時你會在大陸經網上訂飛、訂坐, 又會預早通知我時間、地點、詳情等, 好等我有所預備。 令我覺得你 "好有誠意" 約我, 亦 "好尊重" 我 (會預早通知)。 仲記得有一次 (唔記得係回歸, 還是國慶) 我地好期待的計劃一齊去睇煙花, 當時大家也好傻啊! (最後該節日無煙花, 大家願望落空了)

拍拖久了, 有時候, 真的唔知在週末做什麼好, 而你.......卻會為 "自己安排" 好節目, 再在 "最後一刻" 通知我你外出去玩 (還對我說： 我之前講過你知的!), 結果我唯有做自己的事, 自己安排節目啦!

及後我告訴你好想聽演唱會, 你說：「啊!」卻無行動表示, 我要自己上網訂購, 自己安排節目 (男孩子當的角色也是由我來當), 當時心想：如果我唔氹自己開心, 你還會氹我嗎? 想通了, 也叫自己算吧! 別介意, 至少你也肯賞面和我去睇 show! (其實我知道普通朋友也可以和我相約睇 show 的)

最後就連你同事的睇煙花聚會, 也是要我問起, 你才會話我知有什麼人會出現 (其實我心內知道：你已經唔再尊重我了), 就連你家中的晚飯飯局也是由你家人先問我當日幾點到? (我才知道你地有飯局, 你知嗎? 當時我真的不懂得反應, 只向佢地說：也許你太忙, 忘了通知我!」原來我地真的變得o甘陌生, 還是你已經不想我在家庭聚會中出現了?

我傷心係因為你當我 "可有可無", 就如一個無關重要的過客, 這還是戀人的關係嗎? 其實你還愛我, 還在乎我嗎? 你有保護過我, 有照顧過我感受嗎?